Dr. Kenneth-a chuan, tun atang chuan inthlan leh thlir ranin kan kal tawh dawn a. ‘ZPM hi neutral support vanga sawrkar mai mai’ min ti thin a; mahni party chakna vanga sawrkar an la awm ngai lo. Thil tha duh neutral-te duh dan zelin thil tha tih hmangin sawrkar zel kan tum. Opposition-ten min sawiselna te hi kan kheng thla zat zat zel tawh ang,” a ti.

Dr. Kenneth-a chuan sawi belhin, “Kan opposition party-te hi han thlir ila, Congress chu hruaitu tha nei lo, beram rual vengtu nei lo ang mai an ni tawh a. Mizoramah chuah lo, India ram state dangah pawh sawrkarna an nei mumal tawh lo. MNF pawh kum 16 chuang lai sawrkar tawh mah se ro an rel rei tulh tulh a, sum duhna leh suma tuihalnate avangin mipuiin an hotupa ber hovin an ring zo tawh lo. Chuvangin, keini tualto party, hmun danga atanga min thununtu awm lo, mahni mipuite mamawh leh Mizoram dinhmun azir zela policy nei thin, hna lakah ni se party office list nei ve lo, a thiam leh tlingte list chuah hria ZPM hian, Mizoram thatna turin tun atang hian sawrkar chhunzawm turin kan bei zel dawn a ni,” a ti bawk.